كان هزار وقلب جد
اتفاقنا نلعب مع بعض
نمثل شويه
اخترت دور الاسيه
وهو اختار الانانيه
والضحيه كان الحب
وبدأنا التمثليه....
قالى هرجع لحبيبتى الاولانيه
ومش عايزك تفكرى فيا ولو ثانيه
وأكيد هتعيشى حاله حب تانيه
دخلت بدور الآسيه....
قولتله هدوس على قلبى وانساك
هبدأ حياتى من تانى
اصل مش هتقف عليك الحياه
رجع وقالى خلاص هبعد وماشى
قولتله عمرى ما عليك هدور
وقلبى بقى عليك آسى
سيبته يسبنى ويروح
فات يوم ، يومين....لحد أسبوع
واحشنى اوى وعليه هموت
سألته مش هترجع ليا
قالى انتى نسيتى التمثليه
قولتله كانت مجرد لعبه والحيره مليه عينيا
قالى الحياه ايه غير لعبه وتمثليه عايشها الناس
غرقت عيونى الدموع
وقلبى حاسه انه هيموت
خايفه اسئل ايه المقصود..؟!!
لاقيته كمل الكلام
قالى رجعت ليها
ارجوكى سمحينى
مش ليا غيرك
ومش هعرف اعيش من غيرك
يا أجمل اخت ليا
سبته ومشيت
وفكرت فى كل شئ
من اول ما قابلته ورسمنا مع بعض
قلب وسهم وحرفين
وقالى بحبك ...قولتله حياتى ملك ايديك
لحد اللعبه والدورين
وحلفت اكمل دور الآسيه
وعلى نفسى امثل
انى نسيته وموت قلبى
علشان فالحياه اقدر اكمل
![,v]](/users/1212/33/12/23/smiles/742307.gif)
