حلو العنوان والموضوع اجمل بس هينطبق على ايه الاسم دا اكيد على حب اليومين دول ولا حد عنده اعتراض ولا حاجه نخش في المهم طبعا وهقولها تاني حب اليومين دول حب كافيهات خلينا صرحه مع بعض كدا ونكلم بالمنطق اساسا الحب السليم اخره ايه او ايه المفروض اللي يكون فيه اللي اعرفه اتنين بيحبوا بعض يعني خوف على مشاعر بعض خوف على كرامة بعض واحترام وحب بمعنى كلمة حب طب خلونا نشوف اللي ماشي اليومين دول ايه وفيه ناس بتقول انه حب وانه سليم هو الواحد لما يحب يقابل اللي يحبه بردو من ورا علم اهله دي الاولانيه واحنا بنكلم في الاسلوب اللي بنحب بيه لسه هنيجي على كلمه بحبك دي نكمل نقابله في السر لو هو صح خايفين ليه او مثلا ليه لما بنكلم في التليفون وحد طب علينا نقفل علطول ونبئا مش على بعضنا مش المفروض اللي بنعمله صح وليه نهايه اغلب الحكايات دا اتقدملها عريس وجاهز ونحط تحت كلمة جاهز دي مليون خط طبعا ولا هنقول اصل ظروفي ومش ظروفي والكلام دا اوك صحيح الحياه صعبه بس اللي اعرفه بردو للشباب لو حصل كدا مع حد يعرفه شخصيا كله عارف هيقول ايه ومش هقول اخواتهم طبعا نكمل وهنقول الحل ايه في الاخر نيجي لكلمه بحبك اللي بقت طبعا عامله زي وجبه الدليفري وبتتقال عمال على بطال اصل فلان اعرفه بيحب اشمعنا انا اجرب انا كمان اصلها بقت لعبة وعايز اجربها وبعدين هو الحب بئا اشوف بنوته عسوله واستايل خلاص اقولها اني بحبها وانا لا اعرف شخصيتها ولا اي حاجه عنها او لازم ابين لاصحابي اني واد جامد وهوقعها في حبي او لازم يبئا ليا منظر في الجامعه امسك ايد واقعد معاها لوحدنا عشان الناس تشاور عليا هو دا الحب اللي اعرفه اللي بيحب حد بيخاف عليه اكتر من نفسه بيخاف حد يقول عليه كلمه بس ويجيب في سيرته بالوحش بيبئا ديما عايزه احسن حد في العالم دا كله مش اترسم بيه واخلي الناس تكلم عليه واخليه قاعد خايف اساسا حد يشوفه واقوله دا صح دا طبعا اغلب الكلام للشباب......
بالنسبه للبنات مشاكلهم كتير وهما اللي بايديهم كل حاجه ازاي ازي هقولكوا لو بعاكس بنت في الشارع مثلا هل هكلمها غصب عنها واتعرف عليها لا طبعا كله بحريتها والبنت اللي بحبها هي اللي بتدي فرصه اني اقعد معاها لوحدنا وبتعمل حاجات كتيره من ورا اهلها والمشكله انها مش حاسه انها بنت انما الشاب عادي محدش هيكلم عليه انما البنت سمعه يبئا في جزء كبير عليها وبعدين ليه ابدأ الموضوع غلط واعمل حاجات غلط وعارفه انها غلط والدليل الخوف من ان حد يشوفني او من اهلي يعرف حاجه يبئا المفروض فيه حاجات قبل ما نحب هقولها بحبك وهرتبط بيها وبعدين نهايه الموضوع ايه لغايه الجامعه ما تخلص ولا لغايه ما عريس يجي هو كدا الحب ؟؟؟
لو بحبها بجد هخليها تعرف اهلها ويعرفوا كل حاجه عني لو وافقوا على كدا اوك محصلش موافقه خلاص يبئا اصحاب وبالعكس انا هبئا متمسك بيها واعمل على قد ما اقدر عشان مخسرهاش انها انسانه عرفت اهلها ومؤدبه وعلى فكره للبنات فيه شباب كتير اوي من اللي بيحبوا يقولك واحده حبتها ومشينا مع بعض مش هاخدها ودي نظريه كتير لانه بيقول هي محترمتش اهلها وخبت عليهم هيجي يوم معايا وتعمل كدا يبئا لازم نبتدي صح عشان كل حاجه تبئا صح وافكر بعقلي وقلبي مش قلبي بس وافكر صح عشان كل حاجه تبئا صح وبجد ربنا يوفق كل انسان ويلاقي اللي بيحبه بجد ويبتدي موضوعه صح وانا عندي كلام كتير بس مهما اكلمت والله مش هقدر اوصف بس اكيد لينا وقفه تانيه في الموضوع دا ان شاء الله وتكمله ليه ...............
بكيبورد : عميد كلية الحب
بالنسبه للبنات مشاكلهم كتير وهما اللي بايديهم كل حاجه ازاي ازي هقولكوا لو بعاكس بنت في الشارع مثلا هل هكلمها غصب عنها واتعرف عليها لا طبعا كله بحريتها والبنت اللي بحبها هي اللي بتدي فرصه اني اقعد معاها لوحدنا وبتعمل حاجات كتيره من ورا اهلها والمشكله انها مش حاسه انها بنت انما الشاب عادي محدش هيكلم عليه انما البنت سمعه يبئا في جزء كبير عليها وبعدين ليه ابدأ الموضوع غلط واعمل حاجات غلط وعارفه انها غلط والدليل الخوف من ان حد يشوفني او من اهلي يعرف حاجه يبئا المفروض فيه حاجات قبل ما نحب هقولها بحبك وهرتبط بيها وبعدين نهايه الموضوع ايه لغايه الجامعه ما تخلص ولا لغايه ما عريس يجي هو كدا الحب ؟؟؟
لو بحبها بجد هخليها تعرف اهلها ويعرفوا كل حاجه عني لو وافقوا على كدا اوك محصلش موافقه خلاص يبئا اصحاب وبالعكس انا هبئا متمسك بيها واعمل على قد ما اقدر عشان مخسرهاش انها انسانه عرفت اهلها ومؤدبه وعلى فكره للبنات فيه شباب كتير اوي من اللي بيحبوا يقولك واحده حبتها ومشينا مع بعض مش هاخدها ودي نظريه كتير لانه بيقول هي محترمتش اهلها وخبت عليهم هيجي يوم معايا وتعمل كدا يبئا لازم نبتدي صح عشان كل حاجه تبئا صح وافكر بعقلي وقلبي مش قلبي بس وافكر صح عشان كل حاجه تبئا صح وبجد ربنا يوفق كل انسان ويلاقي اللي بيحبه بجد ويبتدي موضوعه صح وانا عندي كلام كتير بس مهما اكلمت والله مش هقدر اوصف بس اكيد لينا وقفه تانيه في الموضوع دا ان شاء الله وتكمله ليه ...............
بكيبورد : عميد كلية الحب
