عدى عليها الزمن بنت الملك جمالات
لا أبوها رضِى ينكشح ولا غار فى داهية ومات
لازق فى كرسى المُلك لعنة من اللعنات
لا ..والمصيبة كمان هيسلمه لجمالات
قالوا البطانة السوء جمالات دى بنت بنوت
لازم تخش الدنيا وتجيب أمير قطقوط
علشان يكون بعديها ملك وأصله ملوك
ويكون وزير فى حياتها وتد يشد العود
لمُوا المغناوتية والحاشية والألاتية
وواحدة ترقص بلدى غزية بنت غزية
صبوا الخمور فـ كاسات والمَزة حلويات
عزموا كتير باشاوات سلاطين وحاكمة بلاد
والكل جى يهنى زينة البنات جمالات
أما الرعية ضحية
غايبين فى كل قضية
حكم البلد دى غيابى
والعيب على التربية
دايرين فى قلب طاحونة
ماشيين بألف حمولة
عايشين بأيوه وحاضر
عاصرين عليها لمونة
رسم الخواجة حياتهم
عدل خانات بطاقاتهم
زنق الديانة فـ خانة
والشُغلة عايش عالة
خلص عليهم بيهم
والعيب على اللى حكمهم
والزفة أهى شغالة
مهما تكون خنقانا
جمالات أهى بتتجوز
وبلدنا أهى خربانة
لا أبوها رضِى ينكشح ولا غار فى داهية ومات
لازق فى كرسى المُلك لعنة من اللعنات
لا ..والمصيبة كمان هيسلمه لجمالات
قالوا البطانة السوء جمالات دى بنت بنوت
لازم تخش الدنيا وتجيب أمير قطقوط
علشان يكون بعديها ملك وأصله ملوك
ويكون وزير فى حياتها وتد يشد العود
لمُوا المغناوتية والحاشية والألاتية
وواحدة ترقص بلدى غزية بنت غزية
صبوا الخمور فـ كاسات والمَزة حلويات
عزموا كتير باشاوات سلاطين وحاكمة بلاد
والكل جى يهنى زينة البنات جمالات
أما الرعية ضحية
غايبين فى كل قضية
حكم البلد دى غيابى
والعيب على التربية
دايرين فى قلب طاحونة
ماشيين بألف حمولة
عايشين بأيوه وحاضر
عاصرين عليها لمونة
رسم الخواجة حياتهم
عدل خانات بطاقاتهم
زنق الديانة فـ خانة
والشُغلة عايش عالة
خلص عليهم بيهم
والعيب على اللى حكمهم
والزفة أهى شغالة
مهما تكون خنقانا
جمالات أهى بتتجوز
وبلدنا أهى خربانة
